მერვე დღე

     ტრენინგის მე-8 დღეს დავამთავრე პროექტის გეგმის შედგენა.გავწერე აქტივობები დღეების მიხედვით.მოვახდინე თითოეული აქტივობის  დიფერენცირება დიფერენცირებული სწავლების ცხრილში.დავალების შესრულებაში გავითვალისწინე ტრენერის რჩევები.მან ყოველთვის იცის ვის და როდის რა დახმარება და როგორი რჩევა გაუწიოს.ტრენერით მისი ადამიანური დამოკიდებულებით და პროფესიონალიზმით აღფრთოვანებული ვარ.
    ვიმუშავეთ წყვილებში,ერთმანეთს გავუზიარეთ მოსაზრებები ჩვენი პროექტების ირგვლივ,გავუწიეთ დახმარებები სხვადასხვა პუნქტების შევსებისას.
    ჩემი აზრით ასეთი დატვირთვის სასწავლო პროცესისათვის მნიშვნელოვანი ტრენინგები წელიწადში სამჯერ უნდა ტარდებოდეს.
   

მეშვიდე დღე

     დღეს დავამთავრე მოსწავლის სავარაუდო ნაშრომის ნიმუშის შექმნა და მასწავლებლის პროექტის პეზენტაცია.
    ვისაუბრეთ ყველა მოსწავლის საჭიროებების გათვალისწინებაზე. რადგან მოსწავლეები განსხვავდებიან შესაძლებლობების, ინტერესების, პიროვნული თვისებების, სწავლის სტილის მიხედვით, საჭიროა გავითვალისწინოთ ეს ყველაფერი, ჩავრთოთ ყველა მოსწავლე მუშაობაში, რათა შეიძინონ ახალი ცოდნა და უნარ-ჩვევები.
   ვისაუბრეთ სააზროვნო უნარებზე, აზროვნების კონცეფციებზე, ღრმა და აზრიან ფიქრზე, რწმენებზე და დამოკიდებულებებზე.  ჩემი აზრით მასწავლებლებს მოგვიწევს დიდი შრომის გაწევა, რათა მოსწავლეებს განუვითაროთ მაღალი სააზროვნო უნარები.

მეექვსე დღე

დღეს გავეცანი მოსწავლის ნაშრომის ნიმუშებს.ნომუშის მიხედვით დავიწყე ჩემი პროექტის შესაბამისი მოსწავლის სავარაუდო ნაშრომის შექმნა.მოსწავლის როლში ყოფნა არ ყოფილა ადვილი.ნაშრომზე მუშაობისას კიდევ ერთხელ დავფიქრდი იმ აქტივობებზე,რომელიც მაქვს დაგეგმილი.აქტივობებმა ხელი უნდა შეუწყოს მაღალი საზროვნო უნარების განვითარებას.პროექტის  გეგმიდა გამომდინარე შევქმენიპრეზენტაციისათვის სლაიდშოუ.
   გავეცანი ინტელის სახელმძღვანელოში სწავლებისგასაუმჯობესებლად შეფასების სტრატეგიებს,რასაც  გამოვიყენებ სასწავლო  პროცესში.

მეხუთე დღე

  ტრენინგის მეხუთე დღე ჩემთვის იყო ყველაზე ნაყოფიერი,ინფორმაციული და სამუშაო პროცესში მნიშვნელოვანი. დღეს განვიხილეთ პროექტის შეფასების ფორმები, მეთოდები და ინსტრუმენტები. ვისაუბრეთ განმავითარებელი შეფასების მიზნებზე, დავწერე დროში გაწერილი შეფასების გეგმა. პროექტის თემიდან გამომდინარე განვსზღვრე შეფასების მეთოდები და ინსტრუმენტები, რაც დამეხმარება პროექტის სასწავლო მიზნებთან შესაბამისობის მოყვანაში. დავწერე პროექტის შეფასების შეჯამება,  რამაც კიდევ ერთხელ დამაფიქრა შეფასების ინსტრუმენტების სახეებზე ჩემი პროექტის ფარგლებში.

მეოთხე დღე

 
  გავეცანი მიმართულების მიმცემი კითხვების სახეებს:ზოგადი, თემატური და შინაარსობრივი.სამუშაო პროცესში არ გამომიყენებია კითხვების ამ სახით დაყოფა,აუცილებლად გამოვიყენებ,ჩემი აზრით მოსწავლეთა მოტივაციისათვის აუცილებელია.შევადგინე ჩემი პროექტისთვის სამივე სახის კითხვა,ზოგადი კითხვის მოფიქრება გამიჭირდა,კითხვები შევიტანე პროექტის გეგმის შაბლონში. დავწერე პროექტის სასწავლო მიზნები სტანდარტიდან გამომდინარე  რასაც ადვილად გავართვი თავი. დავიწყე მიზნიდან გამომდინარე აქტივობების დაგეგმვა.

მესამე დღე

  ტრენინგის მესამე დღეს ვისაუბრეთ რეფლექსიაზე.ამ აქტივობის ყოველ გაკვეთილზე გამოყენება დამეხმარება ახსნილი მასალის განმტკიცებაში, მოსწავლეებს განუვითარებს ანალიტიკურ აზროვნებას.
     დავამთავრე ბუკლეტზე მუშაობა.პროექტის გეგმის შაბლონში გავწერე ესგ-დან შედეგები და ინდიკატორები.დღეს ვისწავლე საქაღალდეების დაარქივება და ფოსტით გაგზავნა.
    ჩემთვის დღეს მნიშვნელოვანი იყო სტანდარტის მიხედვით მიზნების და შედეგების განსაზღვრა,რაც გამიადვილებს გაკვეთილების სწორად დაგეგმვაში.

მეორე დღე

     ტრენინგის მეორე დღეს გავეცანი სასწავლო ღონისძიებების ეფექტურად დაგეგმვას მოსწავლეთა აქტიური ჩართვისათვის. გავეცანი პორთფოლიოს რუბრიკას. ვისაუბრეთ ავთენტური დავალებების მნიშვნელობაზე მოსწავლეებისათვის, მათი მოტივირებისა და შრომისუნარიანობის გასაზრდელად. განვიხილეთ სასწავლო ღონისძიებების დაგეგმვის სქემა, რაც ხელს შეგვიწყობს სასწავლო მიზნებისა და სტანდარტების მიღწევაში. განვიხილეთ:                                                                                                                                          1) პორთფოლიოს რუბრიკა, რაც დაეხმარება მოლოდინების განსაზღვრაში.
 2)პროექტზე დაფუძვნებული სწავლების მნიშვნელობა, რაც ამაღლებს სწავლის ხარისხს და აქტიურ როლს ანიჭებს მოსწავლეს.  დავიწყე პროექტით სწავლების თემაზე ბუკლეტის მომზადება.
    დღევანდელი სამუშაო დღე იყო საინტერესო და პროდუქტიული.

პირველი დღე

    ტრენინგის პირველ დღეს გავეცანი ინტელის ძირითადი კურსის მუშაობის განრიგს, მიზნებს. გავეცანი ინტელის სახელმძღვანელოს.იგი სამი ნაწილისაგან შედგება: შინაარსი, რესურსები, ჩანიშვნები.ვისწავლე ჩანიშვნების ინსტრუმენტის გამოყენება საჭირო ინფორმაციის სწრაფი მოძიებისათვის.შინაარსი შედგება 8 მოდულისაგან.განვიხილეთ პირველი მოდული.ჯგიფურად გავარჩიეთ 21-ე საუკუნის უნარ-ჩვევები.რესურსების ბლოკში განვიხილეთ მზა პროექტები.გავეცანი პროექტის შაბლონს.